Хайран сэтгэлээ хүнд үргүй үрдэггүй
Халамж нөлөөгөө оргүй орхидоггүй
Халааснаасаа дэмий мөнгө унагадаггүй
Тиймээ би харамч хүн
Хэлэх үгээ хэнд хэлэхээ бодон
Хэрэг нэмэр болоосой гэж гаргана уу гэхээс
Хэлээд ч нэмэргүй үед харин ч нэг хав дардаг
Тиймээ би харамч хүн
Тусыг зарцуулсан мөнгөөр тооцдоггүй
Чадлыг хөрөнгийн хэмжээгээр илэрхийлдэггүй
Сэтгэлийн дэмд мөнгөн үнэлгээ өгдөггүй
Сэтэрсэн харууслыг архиар угждаггүй
Тиймээ би харамч хүн
Харамч гэхээр л монголчууд бидний нүдэнд
Харь нутгийн данжаад буух
Харам үгийнхээ утгыг ухаж зөв ойлговол
Харин их санаа түүний цаана нуугдаж буйг олох
Эх орон минь харам
Ээж аав минь харам
Эгэл энэ орчлон харам
Энэхүү хайр минь харам
No comments:
Post a Comment